Н.Құлжанова атындағы Торғай гуманитарлық колледжі әлеуметтік серіктестер арасындағы ынтымақтастықты арттыру мақсатында педагогикалық қимыл-қозғалыс спорттық ойындар эстафетасын ұйымдастырды. Бұл шараның басты мақсаты – білім беру ұйымдары арасындағы қарым-қатынасты нығайту, салауатты өмір салтын насихаттау және ұжымдық рухты көтеру болды.

Эстафета барысында қатысушылар түрлі спорттық ойындар мен жарыстарға қатысып, өздерінің ептілігін, жылдамдығын және ұйымшылдығын көрсетті. Жарысқа мектеп ұжымы да белсене атсалысып, жоғары дайындық пен бірліктің үлгісін танытты.

Нәтижесінде мектеп ұжымы барлық кезеңдерде үздік өнер көрсетіп, 1-орынды иеленді. Бұл жеңіс – ұжымның бірлігінің, табандылығының және спортқа деген сүйіспеншілігінің айқын дәлелі.
Осындай шаралар білім беру мекемелері арасындағы серіктестікті нығайтып қана қоймай, жастарды спортқа баулуға, денсаулықты сақтауға және ұжымдық рухты дамытуға зор ықпал етеді.